വൈറസ് എന്ന ഹിറ്റ് ചിത്രത്തിനു ശേഷം ആഷിഖ് അബു സംവിധാനം ചെയ്യുന്ന പുതിയ ചിത്രമാണ് പെണ്ണും ചെറുക്കനും. ഇത് ആന്തോളജി ചിത്രമെന്നാണ് റിപ്പോര്‍ട്ടുകള്‍. ഈ ആന്തോളജി ചിത്രത്തിലെ ആഷിഖ് അബു സംവിധാനം ചെയ്യുന്ന ചിത്രത്തിനായി രചന നിര്‍വ്വഹിച്ചിരിക്കുന്നത് ഉണ്ണി ആറാണ്. ഷൈജു ഖാലിദാണ് ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത്. പി.കെ.പ്രൈം നിര്‍മ്മിക്കുന്ന ചിത്രത്തില്‍ ആരൊക്കെയാണ് പ്രധാന വേഷങ്ങളില്‍ എത്തുന്നത് എന്നതിനെ സംബന്ധിച്ചുള്ള മറ്റുള്ള വിവരങ്ങളൊന്നും ഇതുവരെ പുറത്തുവിട്ടിട്ടില്ല. ആഷിഖ് അബു സംവിധാനം ചെയ്യുന്ന ചിത്രത്തിനൊപ്പം വേണു, രാജീവ് രവി, ജെയ്.കെ എന്നീ സംവിധായകരും ഈ ആന്തോളജി ചിത്രത്തിന്റെ ഭാഗമാകുന്നുണ്ട്. പൃഥിരാജ് ചിത്രം എസ്ര സംവിധാനം ചെയ്ത ജെയ്.കെ. സംവിധാനം ചെയ്യുന്ന ചിത്രത്തിന്റെ ഷൂട്ടിങ് പൂര്‍ത്തിയാക്കിയിട്ടുണ്ട്. രാജീവ് രവി സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങ് അടുത്ത മാസത്തോടെ തുടങ്ങും എന്നും വിവരമുണ്ട്. അദ്ദേഹം ഇപ്പോള്‍ സംവിധാനം ചെയ്യുന്ന തുറമുഖത്തിന്റെ ജോലികള്‍ പൂര്‍ത്തിയാക്കിയ ശേഷമേ പുതിയ ചിത്രത്തിന്റെ ജോലികള്‍ ആരംഭിക്കുകയുള്ളൂ.
