അഗര്‍ത്തല:നരേന്ദ്ര മോദിയെപ്പോലെ ഒരു പ്രധാനമന്ത്രി ലോകത്തുതന്നെയില്ലെന്ന് ത്രിപുര മുഖ്യമന്ത്രി ബിപ്ലബ് കുമാര്‍ ദേബ്.മോദിയുടെ സഹോദരന്‍മാരിലൊരാള്‍ പല ചരക്കു വ്യാപാരിയും മറ്റൊരാള്‍ ഓട്ടോ ഡ്രൈവറുമാണെന്നാണ് ബിപ്ലബ് കുമാര്‍ ദേബിന്റെ പുതിയ വെളിപ്പെടുത്തല്‍.
മോദിയുടെ വൃദ്ധയായ അമ്മ ഒരു കുടുസ്സുമുറിയിലാണ് താമസിക്കുന്നതെന്നും ബിപ്ലവ് ദേബ് പറഞ്ഞു.സൈന്യം നടത്തിയ മിന്നലാക്രമണത്തിന്റെ രണ്ടാം വാര്‍ഷികത്തോടനുബന്ധിച്ച് അഗര്‍ത്തലയില്‍ നടന്ന പരിപാടിയില്‍ സംസാരിക്കുകയായിരുന്നു ബിപ്ലബ് ദേബ്.
മഹാഭാരത കാലത്ത് ഇന്റര്‍നെറ്റ് ഉണ്ടായിരുന്നെന്നും ഓക്സിജന്റെ അളവ് വര്‍ധിപ്പിച്ച് ജലം ശുദ്ധീകരിക്കാന്‍ താറാവുകള്‍ക്ക് കഴിയുമെന്നും ഉള്‍പ്പെടെ യുക്തിക്കുനിരക്കാത്ത മണ്ടന്‍ പ്രസ്താവനകള്‍ തുടര്‍ച്ചയായി നടത്തിയതിനെത്തുടര്‍ന്ന് ബിജെപി നേതൃത്വം
ബിപ്ലവ് കുമാര്‍ ദേബിനെ താക്കീത് ചെയ്തിരുന്നു.
