തിരുവനന്തപുരം:വിദ്യാര്‍ത്ഥികള്‍ക്ക് പരീക്ഷ എളുപ്പമാക്കാന്‍ ഈസി എക്‌സാം ഏകദിന പരിശീലന പരിപാടി സംഘടിപ്പിക്കുന്നു.’പരീക്ഷ- എങ്ങനെ പഠിക്കാം,എങ്ങനെ എഴുതാം’എന്ന വിഷയത്തില്‍ 9 മുതല്‍ 12 -ാം ക്ലാസ്സുവരെയുള്ള വിദ്യാര്‍ത്ഥികള്‍ക്കായാണ് പരിശീലന ക്ലാസ്സുകള്‍ നടക്കുന്നത്. ജനുവരി 19 ശനിയാഴ്ച രാവിലെ 9.30 മുതല്‍ 3.30 വരെ സ്റ്റാച്യുവിലെ വൈഎംസിഎ ഓഡിറ്റോറിയത്തില്‍ വെച്ചാണ് പരിശീലന പരിപാടി.
പ്രമുഖ മോട്ടിവേഷന്‍ പരിശീലകനും അധ്യാപകനുമായ സണ്ണി കൂട്ടുങ്കല്‍ ക്ലാസ്സുകള്‍ക്ക് നേതൃത്വം നല്‍കും.വൈഎംസിഎ.യും കോളജ് ഓഫ് എന്‍ജിനിയറിംഗ് അലുമ്‌നി അസോസിയേഷനായ ലൈറ്റ് ഹൗസും ചേര്‍ന്നാണ് പരിപാടി സംഘടിപ്പിക്കുന്നത്.ആദ്യം രജിസ്റ്റര്‍ ചെയ്യുന്ന 100 കുട്ടികള്‍ക്കാണ് പ്രവേശനം നല്‍കുന്നത്.രജിസ്‌ട്രേഷന്‍ സൗജന്യമായിരിക്കും.കൂടുതല്‍ വിവരങ്ങള്‍ക്ക് 8281304742,2330059 എന്നീ നമ്പരുകളില്‍ ബന്ധപ്പെടുക.
