എറണാകുളം:പോത്താനിക്കാട് അയല്‍വാസിയുടെ ടെറസില്‍ യുവാവ് വെടിയേറ്റു മരിച്ചനിലയില്‍.പുളിന്താനം കുഴിപ്പിള്ളില്‍ പ്രസാദ് എന്നയാളാണ് മരിച്ചത്.മൃതശരീരത്തിന് അടുത്ത് നിന്ന് ഒരു എയര്‍ഗണും കണ്ടെത്തി.ടെറസില്‍ മലര്‍ന്നുകിടക്കുന്ന നിലയിലായിരുന്നു മൃതദേഹം. പ്രസാദിന്റെ വസ്ത്രങ്ങള്‍ കീറിയ നിലയിലാണ്.മരണം കൊലപാതകമാണോ ആത്മഹത്യയാണോ എന്ന കാര്യം സ്ഥിരീകരിച്ചിട്ടില്ല.
അയല്‍വാസിയായ സജീവന്റെ വീടിന്റെ ടെറസിലാണ് പ്രസാദിന്റെ മൃതദേഹം കണ്ടെത്തിയത്. നാട്ടുകാരനായ ഓട്ടോഡ്രൈവറാണ് പൊലീസിനെ വിവരമറിയിച്ചത്. പ്രസാദ് സജീവന്റെ വീട്ടില്‍ ജോലിക്കുനിന്നതായാണ് വിവരം. സജീവനെ ചോദ്യം ചെയ്യുന്നതിനായി പോലീസ് കസ്റ്റഡിയിലെടുത്തു.
