ശ്രീനഗര്‍:കനത്ത മഞ്ഞു വീഴ്ചയില്‍ ജമ്മു കാശ്മീരില്‍ ആറ് പൊലീസുകാരുള്‍പ്പെടെ പത്ത് പേരെ കാണാതായതായി.കുല്‍ഗാം ജില്ലയില്‍ ജവഹര്‍ ടണലിന് സമീപത്തെ പൊലീസ് പോസ്റ്റിലേക്ക് മഞ്ഞു കട്ടകള്‍ വീണാണ് അപകടമുണ്ടായത്.ആറ് പൊലീസുകാര്‍,രണ്ട് അഗ്‌നിശമന സേനാംഗങ്ങള്‍,രണ്ട് പ്രദേശവാസികള്‍ എന്നിവരെയാണ് കാണാതായത്.പത്ത് പേര്‍ രക്ഷപ്പെട്ടു.കാണാതായവര്‍ക്കായി തെരച്ചില്‍ തുടരുകയാണ്.
ജമ്മുകാശ്മിരില്‍ അടുത്ത ദിവസങ്ങളിലും കനത്ത മഞ്ഞുവീഴ്ചയ്ക്കു സാധ്യതയുണ്ടെന്ന അറിയിപ്പിനെത്തുടര്‍ന്ന് 78 കുടുംബങ്ങളെ സുരക്ഷിത സ്ഥാനങ്ങളിലേക്കു മാറ്റി. റോഡുവഴിയുള്ള ഗതാഗതവും വിമാന സര്‍വീസുകളും റദ്ദാക്കിയിട്ടുണ്ട്.
