തിരുവനന്തപുരം:സംസ്ഥാനത്ത് ജില്ലാകളക്ടര്‍മാര്‍ക്ക് സ്ഥലം മാറ്റം.തിരുവനന്തപുരം ജില്ലാ കളക്ടറായി പത്തനംതിട്ട ജില്ലാ കളക്ടറായിരുന്ന പിബി നൂഹുവിനെ നിയമിച്ചു.തിരുവനന്തപുരം കളക്ടര്‍ കെ.വാസുകി ആറു മാസത്തെ അവധിയില്‍ പ്രവേശിച്ചതിനു പിന്നാലെയാണ് പുതിയ നിയമനം. കെ.ഗോപാലകൃഷ്ണനെ പത്തനംതിട്ട ജില്ലാ കളക്ടറായും നിയമിച്ചു. കൊല്ലം കളക്ടറായി എസ്.ഷാനവാസിനേയും കണ്ണൂര്‍ ജില്ലാ കളക്ടറായി ടിവി സുഭാഷിനേയും നിയമിച്ചു. ഇന്ന് ചേര്‍ന്ന മന്ത്രിസഭാ യോഗമാണ് കളക്ടര്‍മാര്‍ക്ക് മാറ്റം നല്‍കാന്‍ തീരുമാനിച്ചത്.പുതിയ ലാന്‍ഡ് റവന്യൂ കമ്മീഷണറായി സിഎ ലതയെ നിയമിച്ചു.
