കൊച്ചി:സി ഐ നവാസിന്റെ തിരോധാനവും കണ്ടെത്തലുമടക്കമുള്ള കാര്യങ്ങള്‍ പോലീസ് സേനയ്ക്കുള്ളില്‍ ജോലി ഭാരം കൊണ്ടുണ്ടാകുന്ന് സമ്മര്‍ദ്ദമാണ് സൂചിപ്പിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. സേനയില്‍ കൊണ്ടുവന്ന പരിഷ്‌കാരങ്ങളാണ് ജോലിസമ്മര്‍ദ്ദത്തിന് കാരണമെന്നും ചെന്നിത്തല മാധ്യമങ്ങളോട് പറഞ്ഞു. ആരോടും ചോദിക്കാതെ നടത്തിയ അശാസ്ത്രീയ പരിഷ്‌കാരങ്ങള്‍ സേനാംഗങ്ങളില്‍
അപ്രീതിക്കിടയാക്കിയിട്ടുണ്ട്.കേരള പോലീസ് നാഥനില്ലാക്കളരിയാണെന്നും പ്രതിപക്ഷനേതാവ് ആരോപിച്ചു.
പൊലീസിനെ നിയന്ത്രിക്കാന്‍ ആളില്ല.മുഖ്യമന്ത്രിക്ക് പൊലീസ് സേനയില്‍ നിയന്ത്രണമില്ല.പൊലീസ് സേനയില്‍ അച്ചടക്കമില്ലെന്നും ചെന്നിത്തല പറഞ്ഞു.
