കൊച്ചി:മുനമ്പത്ത് നിന്നും മല്‍സ്യബന്ധനത്തിനുപോയ ബോട്ടില്‍ കപ്പലിടിച്ച് മൂന്നു മല്‍സ്യത്തൊഴിലാളികള്‍ മരിച്ചു.12 പേര്‍ക്ക് പരുക്കേറ്റു.പരുക്കേറ്റവരെ കരയിലെത്തിക്കാന്‍ ശ്രമം തുടങ്ങി.ചേറ്റുവ അഴക്കു പടഞ്ഞാറ് പുറംകടലില്‍ വച്ച് ഇന്നു പുലര്‍ച്ചെയായിരുന്നു അപകടം.ഓഷ്യാനിക് എന്നബോട്ടിലാണ് കപ്പല്‍ ഇടിച്ചത്.ഇടിച്ച ശേഷം കപ്പല്‍ നിര്‍ത്താതെ പോയതിനാല്‍ കപ്പല്‍ ഏതെന്ന് കണ്ടെത്താനായിട്ടില്ല.
അപകടത്തില്‍പ്പെട്ട ബോട്ട്പൂര്‍ണ്ണമായും മുങ്ങിപ്പോയി.മറ്റുമല്‍സ്യബന്ധനബോട്ടുകളിലുണ്ടായിരുന്നവരാണ് അപകടത്തില്‍പ്പെട്ടവരെ രക്ഷിച്ചത്.മൃതദേഹങ്ങള്‍ അല്‍പസമയത്തിനകം കരയിലെത്തിക്കുമെന്നാണ് വിവരം.കുളച്ചല്‍ സ്വദേശികളാണ് അപകടത്തില്‍പ്പെട്ടതെന്നാണ് സൂചന.
