കൊല്ലം:കൊട്ടാരക്കരയില്‍ വാഹനാപകടത്തില്‍ 5 പേര്‍ മരിച്ചു.കെഎസ്ആര്‍ടിസി ബസും കാറും കൂട്ടിയിടിച്ചാണ് അപകടമുണ്ടായത്. വടശ്ശേരിക്കര സ്വദേശികളായ സ്മിത,ഹര്‍ഷ,മിനി,അഞ്ജന,അരുണ്‍ എന്നിരാണ് മരിച്ചത്. എല്ലാവരും ഒരു കുടുംബത്തിലെ അംഗങ്ങളാണ്.മരിച്ചവരില്‍ ഒരു കുട്ടിയും ഉള്‍പ്പെടുന്നു.
ഒന്നേകാലോടെ എംസി റോഡില്‍ ആയൂര്‍ അകമണ്‍ ഭാഗത്തായിരുന്നു അപകടം.തിരുവനന്തപുരത്തുനിന്നും നിന്നും വടശ്ശേരിക്കരയിലേക്കുപോയ കാറില്‍ എതിര്‍ദിശയില്‍ നിന്നും വന്ന ബസ് ഇടിക്കുകയായിരുന്നു.ഇടിയുടെ ആഘാതത്തില്‍ കാര്‍ പൂര്‍ണ്ണമായും തകര്‍ന്നു.നാട്ടുകാരും പോലീസുമെത്തി കാര്‍ വെട്ടിപ്പൊളിച്ചാണ് ഉള്ളില്‍ കുടുങ്ങിക്കിടന്നവരെ പുറത്തെടുത്തത്.
നാലു പേര്‍ സംഭവസ്ഥലത്തുതന്നെ മരിച്ചു.രണ്ടുപേര്‍ ആശുപത്രിയിലെത്തുമ്പോഴേക്കും മരിച്ചു.മൃതദേഹങ്ങള്‍ വെഞ്ഞാറമൂടിലെയും ആയൂരിലേയും സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.
