കോഴിക്കോട്:കോഴിക്കോട് ബസ് മറിഞ്ഞ് 23 പേര്‍ക്കു പരുക്കേറ്റു. കൂടരഞ്ഞി – കോഴിക്കോട് റൂട്ടില്‍ ഓടുന്ന എലാന്‍ട്ര എന്ന ബസാണ് തൊണ്ടയാട് ജംഗ്ഷനില്‍വച്ച് തലകീഴായി മറിഞ്ഞത്.പരിക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.ഇതില്‍ രണ്ടുപേരുടെ നില ഗുരുതരമാണ്.
തൊണ്ടയാട് സിഗ്‌നലിന് സമീപം ഡിവൈഡറില്‍ തട്ടിയാണ് ബസ് മറിഞ്ഞത്. അമിതവേഗമാണ് അപകടത്തിനു കാരണമെന്ന് നാട്ടുകാര്‍ പറയുന്നു. ബസിന്റെ ഫിറ്റ്‌നസ് റദ്ദാക്കിയതായി ആര്‍ടിഒ അറിയിച്ചു.
