കോഴിക്കോട്:നടക്കാവില്‍ മൂന്നരവയസ്സുള്ള കുട്ടിയെ ശരീരത്തില്‍ പൊള്ളലേറ്റ നിലയില്‍ കണ്ടെത്തി.പാലക്കാട് നിന്ന് സുഹൃത്തിനൊപ്പം ഒളിച്ചോടിയ യുവതിക്കൊപ്പമുണ്ടായിരുന്ന കുട്ടിയെ പിതാവിന്റെ ബന്ധുക്കളാണ് പൊള്ളലേറ്റ നിലയില്‍ കണ്ടെത്തിയത്. കുട്ടിയുടെ മുഖത്തും കാലിലും ഗുരുതരമായി പൊള്ളലേറ്റിട്ടുണ്ട്.കുട്ടിയെ കാണാനില്ലെന്ന് ബന്ധുക്കള്‍ നേരത്തേ പരാതി നല്‍കിയിരുന്നു.
സംഭവത്തില്‍ കുട്ടിയുടെ അമ്മയും സുഹൃത്തും നടക്കാവ് പൊലീസിന്റെ കസ്റ്റഡിയിലുണ്ട്.കുട്ടി ബൈക്കില്‍നിന്ന് വീണെന്നാണ് ഇവര്‍ പറഞ്ഞത്. ഇവരെ പോലീസ് കൂടുതല്‍ ചോദ്യം ചെയ്യും. ചൈല്‍ഡ്‌ലൈന്‍ പ്രവര്‍ത്തകരും സംഭവമറിഞ്ഞ് എത്തിയിട്ടുണ്ട്.
