മാഡ്രിഡ്:ഒടുവില്‍ അനിശ്ചിതത്വങ്ങള്‍ക്ക് വിരാമമായി.ക്രിസ്റ്റ്യാനോ റൊണാള്‍ഡോ റയല്‍ മാഡ്രിഡ് വിട്ട് ഇറ്റാലിയന്‍ ക്ലബ്ബായ യുവന്റസുമായി കരാര്‍ ഉറപ്പിച്ചു.നാലു വര്‍ഷത്തെ കരാറിലാണ് ക്രിസ്റ്റ്യാനോ ഒപ്പിട്ടത്.805 കോടിയാണ് കൈമാറ്റത്തുക. ക്രിസ്റ്റ്യാനോ റൊണാള്‍ഡോ ക്ലബ് വിട്ടു പോകുന്ന കാര്യം റയല്‍ മാഡ്രിഡ് ട്വിറ്ററിലൂടെ അറിയിച്ചു.2022 വരെയുള്ള കരാറില്‍ ഓരോ വര്‍ഷം 30 മില്ല്യണ്‍ യൂറോ വീതം റൊണാള്‍ഡോയ്ക്ക് ലഭിക്കും.
2009-ലാണ് റൊണാള്‍ഡോ റയലിലെത്തിയത്.നാലു തവണ ചാമ്പ്യന്‍സ് ലീഗ് കിരീടവും റയലിന് നേടിക്കൊടുത്തു.റയല്‍ മാഡ്രിഡുമായി ഒമ്പത് സീസണുകള്‍ പൂര്‍ത്തിയാക്കിയ താരം ക്ലബ്ബിന്റെ ഏറ്റവും വലിയ ഗോള്‍വേട്ടക്കാരനായി റെക്കോഡ് സൃഷ്ടിക്കുകയും ചെയ്തിട്ടുണ്ട്.
