മാഹി:പ്രമുഖ ഗാന്ധിയനും ഗാന്ധി പീസ് ഫൗണ്ടേഷന്‍ മുന്‍ സംസ്ഥാന അധ്യക്ഷനുമായ കെ.പി.എ.റഹീം 67 പ്രസംഗിച്ചുകൊണ്ട് നില്‍ക്കെ കുഴഞ്ഞുവീണു മരിച്ചു. മാഹിയില്‍ ഗാന്ധിജി എത്തിയതിന്റെ ഏണ്‍പത്തിയഞ്ചാം വാര്‍ഷിക പരിപാടിയില്‍ വച്ചായിരുന്നു സംഭവം.കൗണ്‍സില്‍ ഓഫ് സര്‍വ്വീസസ് ഓര്‍ഗനൈസേഷന്‍സാണ് പരിപാടി സംഘടിപ്പിച്ചത്.വേദിയില്‍ കുഴഞ്ഞുവീണ ഉടന്‍ അദ്ദേഹത്തെ ആശുപത്രിയിലെത്തിച്ചെങ്കിലും
ജീവന്‍ രക്ഷിക്കാനായില്ല.
കണ്ണൂര്‍ പാനൂര്‍ സ്വദേശിയായ കെപിഎ റഹീം ഗാന്ധിയന്‍ തത്വ ചിന്തയില്‍ ബിരുദാനന്തര ബിരുദം നേടിയിട്ടുണ്ട്. പാനൂര്‍ കെ.കെ.വി മെമ്മോറിയല്‍ ഹയര്‍ സെക്കന്‍ഡറി സ്‌കൂളില്‍ അദ്ധ്യാപകനായി സേവനമനുഷ്ഠിച്ചു. സര്‍ഗധാരയിലെ സാരസൗന്ദര്യങ്ങള്‍’ എന്ന പുസ്തകം രചിച്ചിട്ടുണ്ട്.നഫീസയാണ് ഭാര്യ.മൂന്നു മക്കളുണ്ട്.കബറടക്കം തിങ്കളാഴ്ച്ച രാവിലെ പത്ത് മണിക്ക് പാനൂര്‍ ജുമാ മസ്ജിദ് ഖബര്‍സ്ഥാനില്‍ നടക്കും.
