ന്യൂഡല്‍ഹി:ചുംബനത്തിനിടെ ഭര്‍ത്താവിന്റെ നാക്കു കടിച്ചുമുറിച്ച യുവതി അറസ്റ്റില്‍. ഡല്‍ഹി റാന്‍ഹോള സ്വദേശിയായ കരണ്‍ സിംഗിന്റെ ഭാര്യയാണ് അറസ്‌ററിലായത്.
അറസ്റ്റിലായ യുവതി എട്ടുമാസം ഗര്‍ഭിണിയുമാണെന്ന് പോലീസ് അറിയിച്ചു.ഭര്‍ത്താവിന് സൗന്ദര്യമില്ലെന്നാരോപിച്ച് യുവതി സ്ഥിരമായി വഴക്കിടുമായിരുന്നുവെന്നു ബന്ധുക്കള്‍ പറയുന്നു.കഴിഞ്ഞ ദിവസം രാത്രി ഇവര്‍ തമ്മില്‍ വാക്കു തര്‍ക്കമുണ്ടായി.തുടര്‍ന്ന് ഭാര്യയെ അനുനയിപ്പിക്കാനായി കരണ്‍ ചുംബനം നല്‍കുമ്പോഴാണ് യുവതി ഇയാളുടെ നാക്ക് കടിച്ചു മുറിച്ചത്.കരണിന്റെ നിലവിളികേട്ട് ഓടിയെത്തിയ ബന്ധുക്കളും നാട്ടുകാരും ചേര്‍ന്ന് വിവരം പോലീസില്‍ അറിയിക്കുകയും തുടര്‍ന്ന് കരണിനെ ആശുപത്രിയില്‍ പ്രവേശിപ്പിക്കുകയും ചെയ്തു.
കരണിന് ശസ്ത്രക്രിയ നടത്തിയെങ്കിലും സംസാരശേഷി തിരികെ കിട്ടാന്‍ സാധ്യത കുറവാണെന്നാണ് ഡോക്ടര്‍മാര്‍ അറിയിച്ചത്.2016 -ലാണ് ഇരുവരുടെയും വിവാഹം കഴിഞ്ഞത്.കരണ്‍ തെരുവ് കലാകാരനാണ്.
