തിരുവനന്തപുരം:സംസ്ഥാനത്ത് മഴക്കെടുതികളില്‍ ഇന്നലെയും ഇന്നുമായി 51 പേര്‍ മരിച്ചു.നിരവധിപേരെ കാണാതായിട്ടുണ്ട്.അടിയന്തര രക്ഷാപ്രവര്‍ത്തനത്തിന് 1077 എന്ന നമ്പറില്‍ വിളിക്കാം.
പാലക്കാട് നെന്‍മാറയില്‍ ഉരുള്‍പൊട്ടി രണ്ടു കുടുംബങ്ങളിലെ 8 പേര്‍ മരിച്ചു.തൃശൂര്‍ അത്താണി കുറാഞ്ചേരിയില്‍ ഉരുള്‍പൊട്ടി 8 പേരെ കാണാനില്ല.മലപ്പുറം ഊര്‍ങ്ങാട്ടേരിയില്‍ ഉരുള്‍പൊട്ടലില്‍ രണ്ട് പേര്‍ കൂടി മരിച്ചു.വടക്കാഞ്ചേരിയില്‍ വീണ്ടും ഉരുള്‍പൊട്ടലുണ്ടായി.നാല് വീടുകള്‍ മണ്ണിനടിയിലായി.ഇവിടെ രക്ഷാപ്രവര്‍ത്തനം പുരോഗമിക്കുകയാണ്.
പാലക്കാട് ആലത്തൂര്‍ വീഴുമലയില്‍ ഉരുള്‍പൊട്ടി.കല്‍പിനിയില്‍ വീടുതകര്‍ന്ന് ഒരു കുട്ടി മരിച്ചു.കോഴിക്കോട് തിരുവമ്പാടിയിലും മുക്കത്തും ഉരുള്‍പൊട്ടലുണ്ടായി. തൃശ്ശൂര്‍ പൂമലയില്‍ മണ്ണിടിച്ചിലില്‍ വീടുതകര്‍ന്ന് രണ്ടു പേര്‍ മരിച്ചു.തൃശ്ശൂര്‍ വെറ്റിലപ്പാറയില്‍ ഉരുള്‍പൊട്ടലില്‍ ഒരാള്‍ മരിച്ചു.തീക്കോയി വെള്ളികുളം ടൗണില്‍ ഉരുള്‍പൊട്ടലില്‍ നാലുപേര്‍ മരിച്ചു.പലയിടങ്ങളിലും കാണാതായവരെക്കുറിച്ച് കൃത്യമായ വിവരമില്ല
