തിരുവല്ല:തിരുവല്ലയില്‍ നടുറോഡില്‍ യുവാവ് പെണ്‍കുട്ടിയെ പെട്രോളൊഴിച്ച് തീകൊളുത്തി.സംഭവത്തില്‍ തിരുവല്ല കുമ്പനാട് സ്വദേശി അജിന്‍ റെജി മാത്യു അറസ്റ്റിലായി.വിവാഹാഭ്യര്‍ത്ഥന നിരസിച്ചതാണ് പ്രകോപനമായത്.ഗുരുതരമായി പൊള്ളലേറ്റ യുവതി തിരുവല്ലയിലെ ആശുപത്രിയില്‍ തീവ്ര പരിചരണ വിഭാഗത്തിലാണ്.
തിരുവല്ലയിലെ സ്വകാര്യ സ്ഥാപനത്തില്‍ പഠിക്കുന്ന പെണ്‍കുട്ടി രാവിലെ ഇന്‍സ്റ്റിറ്റ്യൂട്ടിലേക്ക് പോകുമ്പോള്‍ ബൈക്കിലെത്തിയ അജിന്‍ തടഞ്ഞു നിര്‍ത്തി ദേഹത്തേക്കു പെട്രോളൊഴിക്കുകയായിരുന്നു. ഇരുവരും പ്ലസ്ടുവില്‍ ഒരുമിച്ചു പഠിച്ചിരുന്നതായാണ് വിവരം. അജിന്‍ വിവാഹാഭ്യാര്‍ത്ഥന നടത്തിയെങ്കിലും പെണ്‍കുട്ടിയുടെ വീട്ടുകാര്‍ സമ്മതിക്കാതിരുന്നതിനെത്തുടര്‍ന്നാണ് യുവാവ് പ്രകോപിതനായി അതിക്രമം കാണിച്ചത്.
