പൊറിഞ്ചു മറിയം ജോസ് എന്ന ഹിറ്റ് ചിത്രത്തിന് ശേഷം ജോഷി സംവിധാനം ചെയ്യുന്ന അടുത്ത ചിത്രത്തില്‍ ദിലീപ് നായകനാകുന്നു. ‘ഓണ്‍ എയര്‍ ഈപ്പന്’ എന്ന് പേരിട്ടിരിക്കുന്ന ചിത്രത്തില്‍ ദിലീപ് മാധ്യമപ്രവര്‍ത്തകന്റെ വേഷത്തിലെത്തുന്നുവെന്നാണ് റിപ്പോര്‍ട്ടുകള്‍. അവതാരം എന്ന ചിത്രത്തിന് ശേഷം ജോഷിയും ദിലീപും ഒന്നിക്കുന്ന ചിത്രമെന്ന പ്രത്യേകത കൂടി ഈ ചിത്രത്തിനുണ്ട്. മുന്‍പ് ഇവര്‍ ഒന്നിച്ച റണ്‍വേ, ലയണ്‍, ട്വന്റി ട്വന്റി, ക്രിസ്ത്യന്‍ ബ്രദേഴ്‌സ് എന്നീ ചിത്രങ്ങള്‍ സൂപ്പര്‍ഹിറ്റുകളായിരുന്നു. നവാഗതനായ അരുണും നിരഞ്ജനും ചേര്‍ന്നാണ് ഓണ്‍ എയര്‍ ഈപ്പന് വേണ്ടി രചന നിര്‍വ്വഹിക്കുന്നത്. ജാഫേഴ്‌സ് പ്രൊഡക്ഷന്‍സിന്റെ ബാനറില്‍ സജിന്‍ ജാഫര്‍ ആണ് ചിത്രം നിര്‍മ്മിക്കുന്നത്. മറ്റു താരങ്ങളെക്കുറിച്ച് വെളിപ്പെടുത്തിയിട്ടില്ല. ചിത്രത്തിന്റെ ഷൂട്ടിംഗ് 2020 ജനുവരി അവസാനത്തോടെ ആരംഭിക്കാനാണ് അണിയറപ്രവര്‍ത്തകര്‍ തീരുമാനിച്ചിരിക്കുന്നത്.
