തൃശൂര്‍:മലയാളസിനിമയിലെ നവാഗത സംവിധായകനെ റെയില്‍വെ പാളത്തില്‍ മരിച്ച നിലയില്‍ കണ്ടെത്തി. അരുണ്‍ വര്‍മ്മ എന്ന യുവസംവിധായകനെയാണ് അത്താണി ആനേടത്ത് റെയില്‍വെ പാളത്തില്‍ മരിച്ച നിലയില്‍ കണ്ടെത്തിയത്.അരുണിന്റെ ആദ്യ സിനിമയായ തഗ് ലൈഫിന്റെ റിലീസ് കാത്തിരിക്കുന്നതിനിടെയാണ് ദുരന്തവാര്‍ത്ത വന്നത്.കഴിഞ്ഞ വ്യാഴാഴ്ച രാത്രി മുതല്‍ അരുണിനെ കാണാതായിരുന്നു.
ഷെയ്ന്‍ നിഗത്തെ നായകനാക്കി അരുണ്‍ സംവിധാനം ചെയ്ത ആദ്യ സിനിമയായ തഗ് ലൈഫ് ചിത്രീകരണം പൂര്‍ത്തിയാക്കി ജൂലൈയില്‍ റിലീസ് ചെയ്യാനിരിക്കുകയായിരുന്നു. നാല് വര്‍ഷമായി സംവിധായക സഹായിയായി പ്രവര്‍ത്തിച്ചതിനു ശേഷമാണ് അരുണ്‍ സ്വന്തമായി ഒരു സിനിമ സംവിധാനം ചെയ്തത്.
