കൊച്ചി:മഴ കനത്ത സാഹചര്യത്തില്‍ മുന്‍കരുതല്‍ എന്ന നിലയില്‍ നെടുമ്പാശേരി വിമാനത്താവളം താല്‍കാലികമായി അടച്ചിട്ടു.രാത്രി 12 വരെയാണ് അടച്ചിടുന്നതെന്ന് വിമാനത്താവളം അതോറിറ്റി അറിയിച്ചു. വിമാനങ്ങള്‍ വഴി തിരിച്ചു വിടും.
ആലുവയില്‍ മഴ ശക്തമായിരിക്കുകയാണ്. വിമാനത്താവളത്തിന്റെ പുറക് വശത്തെ ചെങ്കല്‍ചോട്ടില്‍ ജലവിതാനം ഉയര്‍ന്നിട്ടുണ്ട്.പക്ഷേ റണ്‍വേയിലേക്ക് വെള്ളം കയറിയിട്ടില്ല. എങ്കിലും കനത്ത മഴ തുടര്‍ന്നാല്‍ റണ്‍വേയില്‍ വെള്ളം കയറാനുള്ള സാധ്യതയുണ്ട്.കഴിഞ്ഞ് പ്രളയകാലത്ത് വിമാനത്താവളത്തിന്റെ റണ്‍വേയില്‍ വെള്ളം കയറിയതിനെത്തുടര്‍ന്ന് ദിവസങ്ങളോളം അടച്ചിട്ടിരുന്നു.
യാത്രക്കാര്‍ക്ക് മറ്റ് വിമാനത്താവളങ്ങളില്‍ എത്തുന്നതിനും അവിടങ്ങളില്‍ നിന്ന് മറ്റ് സ്ഥലങ്ങളിലേക്ക് യാത്ര ചെയ്യാനും കെഎസ്ആര്‍.ടിസി സ്‌പെഷ്യല്‍ സര്‍വീസ് നടത്താന്‍ ഗതാഗത മന്ത്രി നിര്‍ദ്ദേശം നല്‍കി.
