ന്യൂഡല്‍ഹി:ഈ വര്‍ഷത്തെ പത്മ പുസ്‌കാരങ്ങള്‍ പ്രഖ്യാപിച്ചു.നടന്‍ മോഹന്‍ലാലും ഐഎസ്ആര്‍ഒ മുന്‍ ശാസ്ത്രജ്ഞന്‍ നമ്പിനാരായണനും പത്മഭൂഷണ്‍ ബഹുമതിക്ക് അര്‍ഹരായി. അന്തരിച്ച പ്രമുഖ പത്രപ്രവര്‍ത്തകന്‍ കുല്‍ദീപ് നയ്യാര്‍ക്ക് മരണാനന്തര ബഹുമതിയായി പത്മശ്രീ നല്‍കും.
നടനും നര്‍ത്തകനുമായ പ്രഭുദേവ,ഗായകന്‍ കെ ജി ജയന്‍, ശ്രീനാരായണധര്‍മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ പുരാവസ്തു ഗവേഷകന്‍ കെ.കെ. മുഹമ്മദ്,ഫുട്‌ബോള്‍ താരം സുനില്‍ ഛേത്രി, ക്രിക്കറ്റ് ഗൗതം ഗംഭീര്‍,ഗായകന്‍ ശങ്കര്‍ മഹാദേവന്‍ എന്നിവര്‍ക്കും പത്മശ്രീ ലഭിച്ചു.
നാടന്‍ കലാകാരന്‍ ടീജന്‍ ഭായ്,ജിബൂട്ടി പ്രസിഡന്റ് ഇസ്മയില്‍ ഒമര്‍ ഗുല്ല, ലാര്‍സന്‍ ആന്‍ഡ് ടര്‍ബോ കമ്പനി ചെയര്‍മാന്‍ അനില്‍ മണിഭായ് നായിക്, എഴുത്തുകാരന്‍ ബല്‍വന്ത് മൊറേശ്വര്‍ പുരന്ദരെ എന്നിവര്‍ക്കാണു പത്മവിഭൂഷണ്‍ ലഭിച്ചത്.
