കോട്ടയം:യുഡിഎഫ് എന്ന സ്വര്‍ഗത്തിലേക്ക് പി സി ജോര്‍ജ് എന്ന ജൂനിയര്‍ മാന്‍ഡ്രേക്കിനെ സ്വീകരിച്ച് യുഡിഎഫിനെ നരകമാക്കരുതെന്ന് യൂത്ത് ഫ്രണ്ട് എം.യുഡിഎഫിലേക്ക് പി സി ജോര്‍ജിനെ തിരികെയെടുക്കരുതെന്ന് കോണ്‍ഗ്രസിനോട് ആവശ്യപ്പെട്ടുള്ള യൂത്ത് ഫ്രണ്ടിന്റെ കുറിപ്പിലാണ് പിസിക്കെതിരെ രൂക്ഷവിമര്‍ശനം.വിജയിപ്പിച്ച മുന്നണികളെയും പ്രവര്‍ത്തകരെയും വഞ്ചിച്ച് താല്‍ക്കാലിക രാഷ്ട്രീയ ലഭത്തിനായി പലവട്ടം കാലുമാറ്റം നടത്തിയിട്ടുള്ള ജോര്‍ജ് എല്ലാവരും കൈവിട്ട ശേഷമാണ് ഒറ്റയാന്‍ പോരാട്ടമെന്ന പേരില്‍ പൂഞ്ഞാറില്‍ മല്‍സരിച്ചത്.എന്നാല്‍ പൂഞ്ഞാറിലെ ജനങ്ങളെയും അഴിമതിക്കൊപ്പം നില്‍ക്കുന്ന ബിജെപിക്കൊപ്പ ചേര്‍ന്ന് പി സി ജോര്‍ജ് വഞ്ചിച്ചു.
അഞ്ച് സംസ്ഥാനങ്ങളിലെ തെരഞ്ഞെടുപ്പ് ഫലം വന്നതോടെ യുഡിഎഫില്‍ തിരികെയെത്താനുള്ള ശ്രമത്തിലാണ് പി സി ജോര്‍ജ്. അതിനായി പി സി ജോര്‍ജ് നടത്തുന്ന കുല്‍സിത പ്രവര്‍ത്തനങ്ങള്‍ വിലപ്പോവില്ല. എസ്എന്‍ഡിപിയേയും ദളിത് സമുദായങ്ങളേയും പി സി ജോര്‍ജ് അധിക്ഷേപിച്ച ജോര്‍ജ് പൂഞ്ഞാറ്റിലെ ജനങ്ങള്‍ക്ക് വെറുക്കപ്പെട്ട് നിലനില്‍പിനായുള്ള അവസാന ശ്രമങ്ങളിലാണെന്നും യൂത്ത്ഫ്രണ്ട് കത്തില്‍ വിമര്‍ശിക്കുന്നു.
