തിരുവനന്തപുരം:പി.ഡി.പി ചെയര്‍മാന്‍ അബ്ദുള്‍ നാസര്‍ മദനി കേരളത്തിലെത്തി.അര്‍ബുദരോഗം ബാധിച്ച് ഗുരുതരാവസ്ഥയില്‍ കഴിയുന്ന മാതാവിനെ സന്ദര്‍ശിക്കാനാണ് മദനിക്ക് അനുമതി ലഭിച്ചത്.രാവിലെ 10.30-ന് ബംഗളൂരുവില്‍ നിന്ന് വിമാന മാര്‍ഗം തിരുവനന്തപുരത്തെത്തിയ മദനി പൊലീസ് അകമ്പടിയോടെ പ്രത്യേക വാഹനത്തില്‍ ശാസ്താംകോട്ടയിലേക്ക് പോയി.നവംബര്‍ നാലിന് മദനി തിരിച്ചു പോകും.
ബംഗളൂരുവില്‍ നിന്ന് പതിനൊന്നംഗ പൊലീസ് സംഘം മദനിയെ അനുഗമിക്കുന്നുണ്ട്.ഉച്ചയോടെ ശാസ്താംകോട്ട ഐ.സി.എസിലെ യത്തിംഖാനയിലെത്തുന്ന മദനി തുടര്‍ന്ന് ഉമ്മയെ സന്ദര്‍ശിക്കാന്‍ ആശുപത്രിയിലേക്ക് പോകും.
