കോഴിക്കോട്:എന്‍ഡിഎയുടെ തെരഞ്ഞെടുപ്പ് പ്രരണത്തിന് ഊര്‍ജം പകരാന്‍ പ്രധാനമന്ത്രി നരേന്ദ്രമോദി ഇന്നു കേരളത്തിലെത്തും.കരിപ്പൂരില്‍ നിന്നും റോഡുമാര്‍ഗം വൈകിട്ട് കോഴിക്കോട്ട് നടക്കുന്ന പൊതുയോഗത്തിനെത്തും.വൈകിട്ട് കോഴിക്കോട് കടപ്പുറത്ത് നടക്കുന്ന റാലിയില്‍ മോദി പങ്കെടുക്കും.വടകര, കോഴിക്കോട്, മലപ്പുറം അടക്കമുള്ള മണ്ഡലങ്ങളിലെ പ്രവര്‍ത്തകരാണ് റാലിയില്‍ പങ്കെടുക്കുക.
അതേസമയം ശബരിമല വിഷയം ഏറ്റവുമധികം സ്വാധീനിക്കുന്ന മണ്ഡലമായ പത്തനംതിട്ടയിലും രാഹുല്‍ ഗാന്ധിയുടെ വയനാട്ടിലും പ്രധാനമന്ത്രി എത്തില്ല.പ്രധാനമന്ത്രി പതിനെട്ടിന് തിരുവനന്തപുരത്തും പ്രചാരണത്തിനെത്തും. എന്നാല്‍ ബിജെപി ദേശീയ അധ്യക്ഷന്‍ അമിത് ഷാ ഈ മാസം പതിനാറിന് വയനാട്ടിലെത്തും.
