ചണ്ഡിഗഡ്: കോൺഗ്രസ് ഭരിക്കുന്ന പഞ്ചാബ് സംസ്ഥാന നിയമസഭയിൽ വിവാദമായ പൗരത്വ ഭേദഗതി നിയമത്തിനെതിരെ (സിഎഎ) പ്രമേയം പാസാക്കി. കേരളത്തിനുശേഷം ഇത്തരം പ്രമേയം പാസ്സാക്കുന്ന രാജ്യത്തെ രണ്ടാമത്തെ സംസ്ഥാനമായി പഞ്ചാബ് മാറി.
ഡിസംബറിൽ പാർലമെന്റ് പാസാക്കിയ പുതിയ പൗരത്വ നിയമം “പഞ്ചാബ് ഉൾപ്പെടെ രാജ്യത്താകമാനം രാജ്യവ്യാപകമായി ദു:ഖത്തിനും സാമൂഹിക അസ്വസ്ഥതകൾക്കും കേന്ദ്ര തീരുമാനം കാരണമായി” എന്ന് മന്ത്രി ബ്രഹ്മ മോഹിന്ദ്ര നിയമസഭയിൽ പ്രമേയം അവതരിപ്പിച്ചു.
പൗരത്വ ഭേദഗതി നിയമത്തിന്റെ (സിഎഎ) പിന്നിലുള്ള പ്രത്യയശാസ്ത്രം “അന്തർലീനമായി വിവേചനപരമാണെന്നും അത് മാനുഷികമായ നടപടികളിൽ നിന്ന് വളരെ ദൂരെയാണെന്നും” പ്രമേയം പറയുന്നു.
“നമ്മുടെ ഭരണഘടനയുടെ അടിസ്ഥാന സവിശേഷതയായ ഇന്ത്യയുടെ മതേതര സ്വത്വത്തെ സിഎഎ ലംഘിക്കുന്നുവെന്ന് വ്യക്തമാണ്; അതിനാൽ, പൗരത്വം നൽകുന്നതിൽ മതത്തിന്റെ അടിസ്ഥാനത്തിൽ വിവേചനം ഒഴിവാക്കാൻ സിഎഎ റദ്ദാക്കണമെന്ന് ഇന്ത്യാ സർക്കാരിനോട് അഭ്യർത്ഥിക്കാൻ സഭ തീരുമാനിക്കുന്നു. ഇന്ത്യയിലെ എല്ലാ മതവിഭാഗങ്ങൾക്കും നിയമത്തിന് മുന്നിൽ തുല്യത ഉറപ്പാക്കണം, ”എന്ന് പ്രമേയം പറയുന്നു.
