പാലാ (കോട്ടയം):കന്യാസ്ത്രീയെ പീഡിപ്പിച്ച കേസില്‍ പാലാ സബ് ജയിലില്‍ കഴിയുന്ന ഫ്രാങ്കോ മുളയ്ക്കലിനെ കാണാന്‍ മൂന്നു ബിഷപ്പുമാര്‍ എത്തി.കാഞ്ഞിരപ്പള്ളി ബിഷപ്പ് മാര്‍ മാത്യു അറയ്ക്കല്‍,സഹായ മെത്രാന്‍ മാര്‍ ജോസ് പുളിക്കല്‍,മലങ്കര സഹായമെത്രാന്‍ സാമുവല്‍ മാര്‍ ഐറേനിയൂസ് എന്നിവരാണ് എത്തിയത്.
ഞായറാഴ്ച ബിഷപ്പുമാര്‍ സബ് ജയിലിലെത്തിയെങ്കിലും അവധി ദിവസമായിരുന്നതിനാല്‍ അനുമതി നല്‍കിയില്ല.തുടര്‍ന്ന് ജയില്‍ അധികൃതരുടെ നിര്‍ദേശപ്രകാരം ഇന്ന് കൂടിക്കാഴ്ച നടത്തുകയായിരുന്നു.
