ജയ്പുര്‍:ബിയര്‍ കുടിക്കുന്നവരെ വളരെ സങ്കടപ്പെടുത്തുന്ന ദൃശ്യമാണ് രാജന്ഥാനില്‍ നിന്നും വരുന്നത്.ബിയര്‍ കുപ്പികളുമായി വന്ന ട്രക്ക് നിയന്ത്രണംവിട്ട് ടോള്‍ പ്ലാസയിലേക്ക് ഇടിച്ചു കയറി മറിയുന്നു.തുടര്‍ന്ന് കൂട്ടത്തോടെ താഴേക്കുവീണ ബിയര്‍കുപ്പികള്‍ പൊട്ടി നുരഞ്ഞു പതയുന്ന ബിയര്‍ പുറത്തേക്ക്.റോഡ് മുഴുവന്‍ നിറഞ്ഞ് ബിയര്‍ കുപ്പികളും.
രാജസ്ഥാനിലെ കിഷന്‍ഗഢ് ജില്ലയില്‍ ജയ്പുര്‍- അജ്മീര്‍ ദേശീയപാതയിലെ ടോള്‍ പ്ലാസയിലാണ് സംഭവം.വെള്ളിയാഴ്ച വൈകീട്ട് മൂന്നുമണിയോടെയാണ് ബിയര്‍ ട്രക്ക് ടോള്‍ പ്ലാസയിലേക്ക് ഇടിച്ചു കയറിയത്.ഇടിയുടെ ആഘാതത്തില്‍ ടോള്‍ പ്ലാസ പൂര്‍ണമായും തകര്‍ന്നു.അപകടത്തില്‍ ട്രക്കിന്റെ ഡ്രൈവര്‍ക്കും പരിക്കേറ്റിട്ടുണ്ട്.
