ജോർഹട്ട്: പ്രാർത്ഥനകളും സ്തുതി സ്തോത്ര ഗാനങ്ങളാലും മുഖരിതമായ അന്തരീക്ഷത്തിൽ ബീലീവേഴ്സ് ഈസ്റ്റേൺ ചർച്ച് ആസാമിലെ ഭദ്രാസനങ്ങളിലെ ശെമ്മാശൻമാരെ കശ്ശീശ പദവിയിലേക്ക് ഉയർത്തി.
നൂറ് കണക്കിന് വിശ്വാസികളുടെ സാന്നിദ്ധ്യത്തിൽ ആസാമിലെ ജോർഹട്ടിലെ ഭദ്രാസന കത്തീഡ്രൽ പള്ളിയിൽ വെച്ച് നടന്ന ശുശ്രൂഷയിൽ നൂറോളം ശെമ്മാച്ചൻ മാരെയാണ് കശീശ പട്ടം നല്കി ഉയർത്തിയത് . കൽക്കട്ടാ ഭദ്രാസനാധിപൻ അഭിവന്ദ്യ ജസ്റ്റിൻ മോർ തോമസ് എപ്പിസ്കോപ്പാ മുഖ്യകാർമികത്വം വഹിച്ചു. ത്രിപുര ഭദ്രാസനാധിപൻ അഭിവന്ദ്യ അനിൽ മോർ ഫിലോമോൻ എപ്പിസ്കോപ്പാ, ഗോഹാട്ടി ഭദ്രാസനാധിപൻ അഭിവന്ദ്യ ജെറമിയ മോർ തിയോഡോസിസ് എപ്പിസ്കോപ്പാ ,നിരണം ഭദ്രാസനം സഹായ മെത്രാൻ അഭിവന്ദ്യ മാത്യൂസ് മാർ സിൽവാനിയോസ് എപ്പിസ്കോപ്പാ എന്നിവർ സഹകാർമികത്വം വഹിച്ചു. തുടർന്ന് വിശുദ്ധ കുർബാനയും അർപ്പിക്കപ്പെട്ടു.
ആസാമിൽ അഞ്ച് ഭദ്രാസനങ്ങൾ ഉണ്ടെങ്കിലും മൂന്ന് ഭദ്രാസനങ്ങളിലെ കശീശ മാരെയാണ് ഈ പ്രാവശ്യം അർഹരായി തെരെഞ്ഞെടുത്തത്. ആസാം ഭദ്രാസനങ്ങളുടെ കീഴിൽ ഏകദേശം ആയിരത്തോളം ഇടവകകൾ ഉണ്ട്.
