ഇരുപത്തിയഞ്ചാം ബോണ്ട് ചിത്രം ചിത്രീകരണം മുടങ്ങി.ബോംണ്ട് പരമ്പരയിലെ നായകന്‍ ഡാനിയല്‍ ക്രെയിഗിന് കാലിന് പരിക്കേറ്റതിനെ തുടര്‍ന്ന് പുതിയ ജെയിംസ്‌ബോണ്ട് ചിത്രത്തിന്റെ ഷൂട്ടിങ്ങ് നിര്‍ത്തി വച്ചു. സിനിമയുടെ അവസാനഘട്ട രംഗങ്ങള്‍ ചിത്രീകരിക്കുന്നതിനിടയിലായിരുന്നു അപകടം.
മുമ്പും ചിത്രീകരണത്തിനിടയില്‍ പലതവണ ഇദ്ദേഹത്തിന് പരിക്കേറ്റിട്ടുണ്ട്. നേരത്തേ നിര്‍മ്മാതാക്കളായ ബാര്‍സറ ബ്രൊക്കോളിയും, മൈക്കല്‍ ജിവില്‍സണുമായുള്ള അഭിപ്രായഭിന്നതകളെ തുടര്‍ന്ന് സംവിധായകന്‍ ഡാനി ബോയല്‍ ചിത്രം ഉപേക്ഷിച്ചിരുന്നു. കാരി ജോജി ഫുകുനാഗയാണ് പുതിയ സംവിധായകന്‍. അവസാനഘട്ടത്തില്‍ ചിത്രീകരണം മുടങ്ങിയത് ഇതിന്റെ അണിയറ പ്രവര്‍ത്തകരെ ആശങ്കയിലാക്കിയിട്ടുണ്ട്. ജമൈക്കയിലെ പൈന്‍വുഡ് സ്റ്റുഡിയോയിലായിരുന്നു ചിത്രീകരണം. 2020 ഏപ്രില്‍ 8 നാണ് ബോണ്ട്ചിത്രത്തിന്റെ റിലീസിങ് പ്രഖ്യാപിച്ചിരുന്നത്. എന്നാല്‍ ഇത് ഇനിയും നീളാനാണ് സാധ്യത.
