വോഗ് മാഗസിന്റെ തെന്നിന്ത്യയിലെ ഏറ്റവും വലിയ ഐക്കണുകളുടെ ലിസ്റ്റില്‍ മമ്മൂട്ടിയെയും തിരഞ്ഞെടുത്തു . നാല് പതിറ്റാണ്ട് പിന്നിട്ട സിനിമാജീവിതത്തിലൂടെ മുന്നേറുന്ന മമ്മൂക്കയെ സൗത്ത് ഇന്ത്യയിലെ തന്നെ വലിയ ഐക്കണുകളില്‍ ഒരാളായാണ് മാഗസിന്‍ വിലയിരുത്തുന്നത്. ദ മാസ്റ്ററെന്നാണ് വോഗ് മാഗസിന്‍ മമ്മൂക്കയെ വിശേഷിപ്പിച്ചിരിക്കുന്നത്. മമ്മൂട്ടിയെ കൂടാതെ കമല്‍ഹാസന്‍, രജനീകാന്ത്, തെലുങ്ക് മെഗാസ്റ്റാര്‍ ചിരഞ്ജീവി, നാഗാര്‍ജ്ജുന എന്നിവരേയും സിനിമയിലെ വലിയ ഐക്കണുകളായി മാഗസിന്‍ വിലയിരുത്തുന്നു. മോഹന്‍ലാല്‍ ഈ ലിസ്റ്റില്‍ ഉള്‍പ്പെട്ടിട്ടില്ല. തെന്നിന്ത്യയിലെ സൂപ്പര്‍ താരങ്ങള്‍ക്കൊപ്പം വോഗ്‌സ് മാഗസിന്‍ ലിസ്റ്റില്‍ മൂന്ന് നായികമാരും ഇടംപിടിച്ചിരുന്നു. ശോഭന, രമ്യാ കൃഷ്ണന്‍, വിജയശാന്തി തുടങ്ങിയവരാണ് ആ നായികമാര്‍. .
