മലപ്പുറം:പൂക്കോട്ടൂര്‍ അറവങ്കര പള്ളിപ്പടിയില്‍ വാഹനാപകടത്തില്‍ സുഹൃത്തുക്കളായ മൂന്നു യുവാക്കള്‍ മരിച്ചു.മോങ്ങം സ്വദേശി ബീരാന്‍ കുട്ടിയുടെ മകന്‍ ഉനൈസ്, കൊണ്ടോട്ടി സ്വദേശി അഹമദ് കുട്ടിയുടെ മകന്‍ സനൂപ്, മൊറയൂര്‍ സ്വദേശി അബ്ദുല്‍ റസാഖിന്റെ മകന്‍ ഷിഹാബുദ്ദീന്‍ എന്നിവരാണു മരിച്ചത്.പുലര്‍ച്ചെ 2.45 ഓടെയായിരുന്നു അപകടം.കൊണ്ടോട്ടിയില്‍ നിന്ന് മലപ്പുറത്തേക്ക് വരുമ്പോള്‍ ഇവര്‍ സഞ്ചരിച്ചിരുന്ന കാര്‍ അറവങ്കരയില്‍വച്ച് നിയന്ത്രണം വിട്ട് വീടിന്റെ മതിലില്‍ ഇടിച്ച് മറിയുകയായിരുന്നു.
വാഹനം അമിതവേഗത്തിലായിരുന്നുവെന്നാണ് പൊലീസ് പറയുന്നത്.ഫയര്‍ഫോഴ്‌സും പോലീസും നാട്ടുകാരും ചേര്‍ന്നാണു രക്ഷാപ്രവര്‍ത്തനം നടത്തിയത്.മൃതദേഹങ്ങള്‍ മഞ്ചേരി മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുകയാണ്.
ഗള്‍ഫില്‍നിന്ന് ഇന്നലെ രാത്രി പതിനൊന്ന് മണിയോടെയാണ് ഷിഹാബുദ്ദീന്‍ നാട്ടിലെത്തിയത്.സൃഹൃത്തുക്കള്‍ ഒരുമിച്ച് ആഘോഷിക്കാന്‍ രാത്രി ഇറങ്ങിയപ്പോഴാണ് അപകടമുണ്ടായത്.
