തിരുവനന്തപുരം: യൂണിവേഴ്‌സിറ്റി കോളജില്‍ ബിരുദ വിദ്യാര്‍ത്ഥിയെ കുത്തിയകേസില്‍ ആറു പ്രതികള്‍ക്ക് സസ്‌പെന്‍ഷന്‍.മുഖ്യപ്രതികളായ ശിവരഞ്ജിത്തും നസീമും ഉള്‍പ്പെടെയുള്ളവര്‍ക്ക് അനിശ്ചിത കാലത്തേക്കാണ് സസ്‌പെന്‍ഷന്‍.കേസില്‍ ഇതുവരെ ഭ പ്രതികളെ പോലീസ് അറസ്റ്റ് ചെയ്തിട്ടുണ്ട്.മൂന്നുപേര്‍ ഒളിവിലാണ്.
അതേസമയം കേസിലെ മുഖ്യപ്രതിയായ ശിവരഞ്ജിത്തിന്റെ വീട്ടില്‍ നിന്നും സര്‍വകലാശാല പരീക്ഷയുടെ ഉത്തരക്കടലാസുകള്‍ കണ്ടെത്തിയ സംഭവത്തില്‍ കേരസര്‍വകലാശാല അന്വേഷണം പ്രഖ്യാപിച്ചു. സര്‍വകലാശാല പ്രോ-വൈസ് ചാന്‍സിലര്‍ക്കും പരീക്ഷാ കണ്‍ട്രോളര്‍ക്കുമാണ് അന്വേഷണച്ചുമതല.ഇന്നലെ ശിവരഞ്ജിത്തിന്റെ വീട്ടില്‍ പോലീസ് നടത്തിയ റെയ്ഡിലാണ് സര്‍വകലാശാലപരീക്ഷയുടെ ഉത്തരക്കടലാസിന്റെ കെട്ടുകളും ഫിസിക്കല്‍ എഡ്യുക്കേഷന്‍ ഡയറക്ടറുടെ സീലും കണ്ടെടുത്തത്.
