തിരുവനന്തപുരം: യൂണിവേഴ്‌സിറ്റി കോളജില്‍ കെഎസ്‌യു യൂണിറ്റ് രൂപീകരിച്ചു. 18 വര്‍ഷങ്ങള്‍ക്കു ശേഷമാണ് കോളജില്‍ കെഎസ് യു യൂണിറ്റ് രൂപീകരിച്ചത്. അമല്‍ചന്ദ്രയാണ് യൂണിറ്റ് പ്രസിഡന്റ്.ആര്യ എസ് നായര്‍ വൈസ് പ്രസിഡന്റും. യൂണിറ്റ് കമ്മറ്റിയില്‍ ഏഴ് അംഗങ്ങളുണ്ട്. സെക്രട്ടേറിയറ്റിനു മുന്നിലെ കെഎസ് യു സമരപ്പന്തലില്‍വെച്ചാണ് യൂണിറ്റ് രൂപീകരിച്ചതായി പ്രഖ്യാപിച്ചത്.അമല്‍ചന്ദ്രയുടെ നേതൃത്വത്തിലുള്ള കെഎസ് യു വിദ്യാര്‍ത്ഥി സംഘം പ്രകടനമായി കോളജിനുള്ളിലേക്ക് പ്രവേശിച്ചു.
അതേസമയം സെക്രട്ടറിയേറ്റ് പടിക്കല്‍ കെ.എസ്.യു സംസ്ഥാന അധ്യക്ഷന്‍ കെ എം അഭിജിത്തിന്റെ നേതൃത്വത്തില്‍ നടത്തുന്ന നിരാഹാര സമരം എട്ടാം ദിവസത്തിലേക്കു കടന്നു.
