ന്യൂഡല്‍ഹി:രാഹുല്‍ ഗാന്ധി രാജിവെക്കേണ്ടതില്ലെന്ന് കോണ്‍ഗ്രസ് പ്രവര്‍ത്തക സമിതി.പാര്‍ട്ടിയുടെ പ്രതിസന്ധി ഘട്ടത്തില്‍ രാഹുലിന്റെ നേതൃത്വം അനിവാര്യമാണെന്ന് പ്രവര്‍ത്തകസമിതിയോഗം വലയിരുത്തി.
തോല്‍വിയുടെ ഉത്തരവാദിത്തം ഏറ്റെടുത്ത് അധ്യക്ഷസ്ഥാനം രാജിവെക്കാമെന്ന് രാഹുല്‍ ഗാന്ധി ആവര്‍ത്തിച്ചു പറഞ്ഞെങ്കിലും യോഗം തള്ളുകയായിരുന്നു.
കോണ്‍ഗ്രസ് സഖ്യം പ്രധാനമന്ത്രി സ്ഥാനാര്‍ത്ഥിയായി ഉയര്‍ത്തിക്കാട്ടിയ അമേത്തിയിലെ രാഹുലിന്റെ തോല്‍വി പാര്‍ട്ടിക്ക് വലിയ തിരിച്ചടിയായി.കൂടാതെ ആകെയുള്ള 543 സീറ്റുകളില്‍ 52 സീറ്റുകളില്‍ മാത്രമാണ് ഇത്തവണ കോണ്‍ഗ്രസ് സ്ഥാനാര്‍ഥികള്‍ക്ക് വിജയിക്കാനായത്.
