ഒരു മാസ് ആക്ഷന്‍ എന്റര്‍ടെയ്‌നറുമായി പ്രേക്ഷകരെ ആവേശം കൊള്ളിക്കാന്‍ സൂര്യ വീണ്ടുമെത്തുകയാണ്. പ്രഗല്‍ഭ സംവിധായകന്‍ സെല്‍വരാഘവനും, സൂര്യയും ആദ്യമായി ഒന്നിക്കുന്ന ചിത്രം കൂടിയാണിത്. സൂര്യയെ ഇഷ്ടപ്പെടുന്ന പ്രേക്ഷകര്‍ ഏറെ ആകാംക്ഷയോടെയാണ് ഈ സിനിമയ്ക്കായി കാത്തിരിക്കുന്നത്. നന്ദഗോപാല്‍ കുമരന്‍ അഥവാ എന്‍.ജി.കെ. എന്ന രാഷ്ട്രീയപ്രവര്‍ത്തകനായാണ് സൂര്യ ഈ ചിത്രത്തില്‍ വേഷമിടുന്നത്. സായ് പല്ലവി, രകുല്‍ പ്രീത് സിംഗ് എന്നിവരാണ് ചിത്രത്തിലെ നായികമാര്‍. ദേവരാജ്, പൊന്‍വണ്ണന്‍, ഇളവരസ്, വേലാ രാമമൂര്‍ത്തി തുടങ്ങിയവര്‍ മറ്റു പ്രാധാന കഥാപാത്രങ്ങളെ അവതരിപ്പിക്കുന്നു. ആക്ഷന്‍രംഗങ്ങളും, മാസ്സ് ഡയലോഗുകളും കൊണ്ട് സമ്പന്നമാണീ സിനിമ. പ്രേക്ഷകരെ ത്രസിപ്പിക്കുന്ന രീതിയിലുള്ള സംഘട്ടനരംഗങ്ങള്‍ ഒരുക്കിയിരിക്കുന്നത് അനല്‍ സരസു ആണ്. യുവന്‍ ശങ്കര്‍രാജ ചിത്രത്തിന് സംഗീതം ഒരുക്കിയിരിക്കുന്നു. ചിത്രത്തിന്റെ ട്രെയ്‌ലര്‍ 9 മില്ല്യന്‍ കാഴ്ചക്കാരോടെ ഇപ്പോഴും ട്രന്‍ഡിങ്ങ് ലിസ്റ്റില്‍ മുന്നിലാണ്. അതുകൊണ്ട് തന്നെ സിനിമയും ഒരു മെഹാഹിറ്റ് ആകുമെന്ന പ്രതീക്ഷയിലാണ് സൂര്യഫാന്‍സും കാത്തിരിക്കുന്നത്.
