രാഷ്ട്രീയത്തിനു വേണ്ടി സിനിമയെ ഉപേക്ഷിച്ച സുരേഷ് ഗോപി തന്റെ തിരിച്ചുവരവ് ഗംഭീരമാക്കുകയാണ്. അച്ഛന്റെ മടങ്ങിവരവ് മകന്‍ ഗോകുല്‍ സുരേഷും ആഘോഷിക്കുകയാണ്. വെല്‍ക്കം ബാക്ക് എസ്.ജി എന്നാണ് സുരേഷ് ഗോപിയുടെ ചിത്രം പങ്കുവച്ചുകൊണ്ട് ഗോകുല്‍ കുറിച്ചിരിക്കുന്നത്. വരനെ ആവശ്യമുണ്ട് കണ്ടിറങ്ങിയ എല്ലാവരും ഒരേ ശബ്ദദത്തില്‍ പറയുന്നതും സുരേഷ്‌ഗോപി തകര്‍ത്തുവെന്നാണ്. സത്യന്‍ അന്തിക്കാടിന്റെ മകന്‍ അനൂപ് സത്യന്റെ അരങ്ങേറ്റ ചിത്രമാണ് വരനെ ആവശ്യമുണ്ട്. സൂപ്പര്‍ഹിറ്റ് ജോഡികളായ ശോഭനയും സുരേഷ്‌ഗോപിയും വര്‍ഷങ്ങളുടെ ഇടവേളയ്ക്കു ശേഷം തിരികെ വരുന്നുവെന്നതും ഈ ചിത്രത്തിന്റെ ഒരു ഹൈലൈറ്റ് ആണ്. സുരേഷ് ഗോപിക്കും, ശോഭനയ്ക്കും പുറമെ ഊര്‍വ്വശി, ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍ എന്നിവരും പ്രധാന വേഷങ്ങളിലെത്തുന്നു.
