കൊടുങ്ങല്ലൂര്‍:അപകടത്തില്‍ പരുക്കേറ്റ ഹനാനെ പ്രവേശിപ്പിച്ച ഐസിയുവില്‍ കയറി യുവാവിന്റെ ഫേസ്ബുക്ക് ലൈവ്.അപകടത്തില്‍ ഗുരുതര പരുക്കേറ്റ് ആശുപത്രി കിടക്കയില്‍ വേദനസഹിച്ച് കിടക്കുന്ന ഹനാന്റെ ദൃശ്യങ്ങളാണ് ഇയാള്‍ ഫെയ്‌സ്ബുക്ക് ലൈവിലൂടെ പകര്‍ത്തിയത്.വിവേകശൂന്യമായ പ്രവര്‍ത്തി ചെയ്ത കൊടുങ്ങല്ലൂര്‍ മേത്തല സ്വദേശി രാജേഷ് രാമനെതിരെ സമൂഹമാധ്യമങ്ങളില്‍ വലിയ പ്രതിഷേധമാണുയരുന്നത്.
സംസാരിക്കാന്‍പോലുമാവാത്ത രീതിയില്‍ ക്ഷീണിതയായ ഹനാനോട് അപകടത്തെ കുറിച്ച് വിവരിക്കാനും ഇയാള്‍ ആവശ്യപ്പെടുന്നുണ്ട്.അപകടത്തിലായ ഹനാന്റെ എക്‌സ്‌ക്ലൂസീവ് ദൃശ്യങ്ങളാണ് ഇതെന്നും ഹനാന്റെ അടുക്കല്‍ ആദ്യമെത്തുന്നത് തങ്ങളാണെന്നുള്ള അവകാശവാദവും ഇയാള്‍ വിഡിയോയിലൂടെ ഉന്നയിക്കുന്നുണ്ട്.ലൈവ് ഇടുന്നതില്‍ നിന്നും ഡോക്ടര്‍ വിലക്കിയിട്ടും ഇയാള്‍ കേട്ടില്ല.
സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.വാഹനാപകടത്തില്‍ നട്ടെല്ലിന് ഗുരുതരമായി പരുക്കേറ്റ ഹനാന് അടിയന്തര ശസ്ത്രക്രിയ നടത്തും.
