കോൺഗ്രസ്സിനായി വടകരയിൽ അഭിമാനപ്പോരാട്ടം നടത്തുന്ന കെ മുരളീധരന് വേണ്ടി സഹോദരിയും കെ പി സി സി ജനറൽ സെക്രട്ടറിയുമായ പദ്‌മജ വേണുഗോപാൽ മണ്ഡലത്തിൽ സജീവം.നിരവധി കുടുംബയോഗങ്ങളിൽ പദ്‌മജ കോൺഗ്രസിന് വോട്ടു ചെയ്യേണ്ട സാഹചര്യം വിശദീകരിക്കുന്നു .
നാദാപുരം ,കുറ്റ്യാടി എന്നീ നിയോജക മണ്ഡലങ്ങളിൽ ശ്രദ്ധ കേന്ദ്രീകരിച്ചുള്ള പ്രവർത്തനമാണ് പദ്‌മജ നടത്തുന്നത് . മണ്ഡലത്തിലെ വനിതാ വോട്ടർമാരെ കാണാനും അവരുമായി ആശയവിനിമയം നടത്താനും കൂടുതൽ സമയം കണ്ടെത്തുന്നുണ്ട് . ഓർക്കാട്ടേരിയിൽ പോയി ടി പി ചന്ദ്രശേഖരന്റെ ഭാര്യ രമയെ കാണാനും പദ്‌മജ സമയം കണ്ടെത്തി .
വടകരയിൽ പി ജയരാജനെ തോൽപ്പിക്കാൻ കോൺഗ്രസിനൊപ്പം ആർ എം പിയും സജീവമായി പ്രവർത്തനരംഗത്തുണ്ട് . ഇത്തവണ ആർ എം പിക്ക് മണ്ഡലത്തിൽ സ്വന്തം സ്ഥാനാർത്ഥിയില്ല .ഒരു ഘട്ടത്തിൽ രമയെ സ്ഥാനാർത്ഥിയാക്കാനും കോൺഗ്രസ് സജീവമായി ആലോചിച്ചിരുന്നു .കെ പി സി സി അധ്യക്ഷൻ മുല്ലപ്പള്ളി രാമചന്ദ്രന്റെ സിറ്റിംഗ് സീറ്റാണ് വടകര.ഒട്ടേറെ സമ്മർദമുണ്ടായിട്ടും മുല്ലപ്പള്ളി മത്സരിക്കാൻ തയ്യാറായില്ല .
