നാഗ്പൂര്‍: നാഗ്പൂര്‍ ക്രിക്കറ്റ് ടെസ്റ്റില്‍ ഇന്ത്യക്ക് ജയം. ഇന്നിംഗ്സിനും 239 റണ്‍സിനുമാണ് ടീം ഇന്ത്യ ലങ്കയെ കീഴടക്കിയത്.ഇതോടെ മൂന്ന് മത്സര പരമ്പരയില്‍ ഇന്ത്യ 1-0ന് മുന്നിലെത്തി. ടെസ്റ്റില്‍ റണ്‍സിന്റെ അടിസ്ഥാനത്തില്‍ ഇന്ത്യ നേടുന്ന ഏറ്റവും വലിയ വിജയത്തിനൊപ്പമെത്തി. രണ്ടാം ഇന്നിംഗ്സില്‍ നാലു വിക്കറ്റ് വീഴ്ത്തിയ അശ്വിന് അതിവേഗം 300 ടെസ്റ്റ് വിക്കറ്റുകളെന്ന ലോക റെക്കോര്‍ഡും സ്വന്തമാക്കി. സ്കോര്‍ ശ്രീലങ്ക 2015, 166, ഇന്ത്യ 610/6.
തോല്‍വി മുന്നില്‍ക്കണ്ട് നാലാം ദിനം ക്രീസിലിറങ്ങിയ ലങ്ക ക്യാപ്റ്റന്‍ ദിനേശ് ചണ്ഡിമല്‍ മാത്രമെ പൊരുതി നിന്നുള്ളൂ. 61 റണ്‍സെടുത്ത ചണ്ഡിമൽ. ഇന്ത്യക്കായി അശ്വിന് നാലു വിക്കറ്റെടുത്തപ്പോള്‍ ഇഷാന്തും ജഡേജയും ഉമേഷും രണ്ട് വിക്കറ്റ് വീതം വീഴ്ത്തി.
56 ടെസ്റ്റില്‍ 300 വിക്കറ്റ് പിന്നിട്ട ഓസ്ട്രേലിയന്‍ പേസ് ഇതിഹാസം ഡെന്നിസ് ലില്ലിയുടെ റെക്കോര്‍ഡാണ് 54ാം ടെസ്റ്റില്‍ 300 പിന്നിട്ട് അശ്വിന് മറികടന്നത്. ഈ വര്‍ഷമാദ്യം ലില്ലിയുടെ തന്നെ റെക്കോര്‍ഡ് മറികടന്നാണ് അശ്വിന് അതിവേഗം 250 ടെസ്റ്റ് വിക്കറ്റ് തികച്ചത്. ടെസ്റ്റില്‍ 300 വിക്കറ്റ് നേട്ടം കൈവരിക്കുന്ന ആറാമത്തെ ഇന്ത്യന്‍ ബൗളറാണ് അശ്വിന്.
