തിരുവനന്തപുരം: രാജസ്ഥാനെ 131 റണ്‍സിന് തകര്‍ത്ത് രഞ്ജി ട്രോഫിയില്‍ കേരളത്തിന് വമ്പന്‍ ജയം. തിരുവനന്തപുരം തുമ്പയിലെ സെന്റ് സേവ്യേഴ്‌സ് കെസിഎ സ്‌റ്റേഡിയത്തില്‍ നടന്ന മത്സരത്തില്‍ കരുത്തരായ രാജസ്ഥാനെ 131 റണ്‍സിന് തകര്‍ത്താണ് രണ്ടാം ഇന്നിങ്‌സില്‍ കേരളം ജയം സ്വന്തമാക്കിയത്.
പ്രതിരോധം തീര്‍ത്ത് മത്സരിച്ച രാജസ്ഥാന്‍ താരങ്ങളെ 211 റണ്‍സിന് തോല്‍പ്പിച്ചാണ് കേരളം സീസണിലെ രണ്ടാം ജയം കുറിച്ചത്. 343 റണ്‍സ് വിജയലക്ഷ്യവുമായി രണ്ടാം ഇന്നിങ്‌സ് ആരംഭിച്ച രാജസ്ഥാന്‍ 71 ഓവറില്‍ 182 റണ്‍സിന് എല്ലാവരും പുറത്തായി. 30.4 ഓവറില്‍ 85 റണ്‍സ് വഴങ്ങി അഞ്ചു വിക്കറ്റ് വീഴ്ത്തിയ സിജോമോന്‍ ജോസഫാണ് രണ്ടാം ഇന്നിങ്‌സില്‍ രാജസ്ഥാനെ തകര്‍ത്തത്.
മല്‍സരത്തിലാകെ 10 വിക്കറ്റും അര്‍ധസെഞ്ചുറിയും സെഞ്ചുറിയും ഉള്‍പ്പെടെ 184 റണ്‍സുമെടുത്ത ജലജ് സക്‌സേനയാണ് കളിയിലെ കേമന്‍. വിജയത്തോടെ മൂന്നു മല്‍സരങ്ങളില്‍നിന്ന് കേരളത്തിന് 12 പോയിന്റായി.
സ്‌കോര്‍: കേരളം – 335, 250/4 ഡിക്ലയേര്‍ഡ്, രാജസ്ഥാന്‍ – 243, 211
