കൊളംബോ: ശ്രീലങ്കയും വെസ്റ്റ് ഇന്‍ഡീസും തമ്മിലുള്ള മത്സരം വിജയിച്ച ശ്രീലങ്ക 2019ലെ ഏകദിന ക്രിക്കറ്റ് ലോകകപ്പിനു നേരിട്ടു യോഗ്യത നേടി. വിജയത്തിലൂടെ ലോക റാങ്കിങ്ങിലെ എട്ടാംസ്ഥാനം ശ്രീലങ്ക നിലനിര്‍ത്തിയിരുന്നു.
ലോക റാങ്കിങ്ങിലെ ആദ്യ എട്ടു സ്ഥാനക്കാര്‍ക്കാണു ലോകകപ്പിന് നേരിട്ടു യോഗ്യത. ഏഴു ടീമുകള്‍ യോഗ്യത ഉറപ്പിച്ചപ്പോള്‍ എട്ടാം റാങ്കിനായായിരുന്നു ശ്രീലങ്കയും വെസ്റ്റ് ഇന്‍ഡീസും മത്സരിച്ചത്.
ദക്ഷിണാഫ്രിക്ക, ഇംഗ്ലണ്ട്, ഇന്ത്യ, ഓസ്ട്രേലിയ, ബംഗ്ലദേശ്, പാക്കിസ്ഥാന്‍, ന്യൂസീലന്‍ഡ് എന്നിവരാണു ലോകകപ്പ് ക്രിക്കറ്റിനു നേരിട്ടു യോഗ്യത ഉറപ്പിച്ച ഏഴ് ടീമുകള്‍.
